Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginiň 2-nji tapgyrynyň jemleýji oýun gününde bir duşuşyk geçirilip, onda paýtagtymyzyň “Köpetdag II” topary Mary şäheriniň “Merwiniň” ýaşlar düzümini kabul etdi. Ikitaraplaýyn hüjümlerde geçen bu duşuşyk 1:1 hasabynda tamamlandy. 

Bu tapgyryň birinji oýun gününde duşuşyklaryň ikisi geçirilip, onda “Nebitçi II” topary “Altyn Asyryň” ýaşlar düzüminden 2:0 hasabynda üstün çykdy, “Aşgabat II” bilen “Şagadam II” toparlarynyň arasyndaky duşuşyk 2:2 hasabynda deňlikde tamamlandy. 

Bu tapgyryň çägindäki “Arkadag II” bilen “Ahal II” toparlarynyň arasyndaky duşuşygyň geçirilmeli senesi soňa süýşürildi. 

 

Gollar: 81 Arslan Priýew (“Köpetdag II”) – 16 Ioann Saladownikow (“Merw II”)

Duýduryşlar: 43 Nikita Kirilenko, 45+3 Ahmet Saparlyýew, 47 Yslam Rejepow (“Köpetdag II”) – 47 Nurmuhammet Tirkişew, 52 Sanjar Artykow, 84 Izzat Erkinow (Merw II”)

Meýdandan çykarylan: 66 Begenç Torumow, lukman (“Köpetdag II”)

Geçirilen ýeri: “Sport desga” (Aşgabat ş.)

Duşuşygyň emini: E.Annamyradow (Balkanabat ş.)

Kömekçi eminler: A.Annamyradow (Balkanabat ş.), R.Ereşow (Türkmenabat ş.)

Ätiýaçdaky emin: P.Pälwanow (Daşoguz ş.)

Gözegçi emin: G.Öwezow (Aşgabat ş.)