"Altyn Asyr” futbol klubunyň metbugat merkezi AFK-nyň Kubogynyň toparçalaýyn bäsleşiginiň köpçülikleýin habar beriş serişdeleriniň žurnalistleriniň akreditasiýasyna başlaýar. Metbugat gullugynyň işgärleriniň akreditasiýalary “Altyn Asyr” toparynyň öz meýdanynda geçirilýän duşuşyklarynda hereket edýär.

Akreditasiýa bolmak isleýän žurnalistler altynasyrmedia@gmail.com elektron salgysyna 3x4 suratlarynyň elektron görnüşlerini ugratmalydyrlar. Şeýle-de, suratyň gapdaly bilen ugradyljak haýyşnamada neşiriň görnüşi (gazet-žurnal ýa-da internet-portal), şeýle-de, žurnalistiň ady, familiýasy, işleýän ýeri we wezipesi, telefon belgileriniň görkezilmegi hökmanydyr.

Akreditasiýanyň iki görnüşden ybaratdygyny siziň dykgatyňyza ýetirýäris: ýazýan žurnalistler, şeýle-de fotosuratçylar. Şonuň bilen baglylykda, haýsy görnüşdäki akreditasiýa gerek bolsa şol hem görkezilmelidir.