Düýn, 3-nji oktýabrda Özbegistanyň paýtagty Daşkent şäherinde FIFA-nyň guramagynda geçirilýän Aziýanyň Futbol Konfederasiýasynyň (AFK), Merkezi Aziýanyň futbol assosiasiýasynyň hem-de Ýewropanyň futbol assosiasiýalarynyň (UEFA) ýolbaşçylarynyň gatnaşmagyndaky seminara badalga berildi.

Iki günlük seminara Türkmenistanyň Futbol federasiýasynyň başlygy Arslan Aýnazarowyň ýolbaşçylygyndaky TFF-niň wekiliýetiniň gatnaşýandygyny bellemek gerek. 

Geçirilýän seminar futbol assosiasiýalarynyň arasyndaky dürli ugurdaky gatnaşyklary berkitmäge gowy mümkinçilik boldy. Şeýle-de, gatnaşyjylar futbol bilen baglanyşykly ýüze çykýan meseleleri ara alyp maslahatlaşmaga hem gowy mümkinçilik aldylar. Seminaryň dowamynda futboly ösdürmek babatyndaky düýpli meseleleriň bäşisi (toparlaryň arasyndaky ýaryşlary ygtybarly alyp barmak, sport binýadyna goýulýan maýa goýumlar, zenan futboluny ösdürmek, halkara ýaryşlaryny geçirmek, ykdysady menejmenti ilerletmek) ara alnyp maslahatlaşylar.