Berkarar Döwletimiziň Bagtyýarlyk Döwründe Türkmenistan Döwletimizde 2023- nji ýylyň noýabr aýynyň 23-28 aralygynda Paýtagtymyzda Kuraş boýunça XIV Dünýä çempionatynyň geçirilmegi Aşgabadyň halkara sport merkezi hökmünde ykrar edilýändigini, Hormatly Prezidentimiz Serdar Berdimuhammedowyň baştutanlygynda durmuşa geçirilýän, ýurdumyzyň döwlet syýasatynyň ileri tutulýan ugurlarynyň biri hökmünde çykyş edýän bedenterbiýäni we sporty ösdürmäge gönükdirilýär strategiýanyň halkara kuraş assosiasiýasy tarapyndan giň goldawa eýe bolýandygyny nobatdaky aýdyň güwäsi boldy.Çempionata dünýäniň 50 töweregi döwletinden ýygyndy toparlar gatnaşyp, türgenler medallaryň 60-sy ugrunda bäsleşdiler. Sport ýaryşlary jemi 15(7-si erkekleriň, 8-si zenanlaryň arasynda) agram derejesinde guralyp, ýeňijiler ýokary derejeli eminler topary tarapyndan kesgitlenildi. Şu gezeki ýaryşda bolsa ýurdumyzyň ýygyndy topary 5 altyn, 6 kümüş, 4 bürünç medala mynasyp boldy. Şeýle görkeziji bilen biziň pälwanlarymyz medallaryň umumy sany boýunça (15) beýleki toparlardan ep-esli öňe geçmegi başaryp, altyn medallaryň sany babatda diňe Özbegistanyň ýygyndy toparyny öňe geçirdi. Özbegistanyň pälwanlary 7 altyn, 1 kümüş, 1bürünç medallara mynasyp boldular. Baýrakly III orny Gazagystanyň ýygyndy toparlary eýeledi. Bu ýurdyň pälwanlary 1 altyn, 2 kümüş we 3 bürünç medal bilen ýaryşy tamamladylar.   

Goý, halkymyzyň saglygy, ruhubelent we bagtyýar ýaşaýşy ugrunda uly aladalary edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolup, il-ýurt bähbitli işleri elmydama rowaçlyklara beslensin!