“Mary” myhmanhanasynda “Kanuny döwlet — asuda, bagtyýar durmuşyň kepili” atly wagyz-nesihat duşuşygy geçirildi. Duşuşygy welaýat prokuraturasy, TDP-niň welaýat, Mary şäher komitetleri bilelikde guradylar.

Bu çärä Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň agzalary, Türkmenistanyň Halk Maslahatynyň Ýaşulular geňeşiniň agzalary, Türkmenistanyň Mejlisiniň deputatlary, il sylagly ýaşulular, TDP-niň Mary şäher komitetleriniň bilim, saglygy goraýyş, sport we medeniýet ulgamlarynda zähmet çekýän işjeň agzalary gatnaşdylar.

Duşuşykda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň we Türkmenistanyň Halk Maslahatynyň Ýaşulular geňeşiniň agzasy, Türkmenistanyň hormatly il ýaşulusy Allaberdi Çaryýarow, welaýat prokurorynyň hukuk üpjünçiligi boýunça uly kömekçisi, 1-nji derejeli ýurist Maýsa Kurbanowa, TDEI-niň mugallymy, Türkmenistanyň Mejlisiniň deputaty Merdan Orazmeredow çykyş etdiler. Olar öz çykyşlarynda Türkmenistanyň Prezidentiniň, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedowyň şu ýylyň 3-nji iýunynda geçiren Döwlet howpsuzlyk geňeşiniň nobatdaky mejlisinde öňde goýan wezipeleri we beren tabşyryklary barada durup geçdiler.

Jemgyýetimizde düzgün-tertibi has-da pugtalandyrmak, wagyz-nesihat işini mundan beýläk-de güýçlendirmek bilen bagly wajyp meseleler dogrusynda täsirli gürrüň etdiler.