Türkmen samboçylary Gazagystanyň Astana şäherinde geçirilen dünýä çempionatynda alty medal — 1 altyn, 2 kümüş we 3 bürünç medal gazandylar diýip, «www.sambo/sport» saýty habar berýär. Söweş sambosynda 71 kilogram agram derejesinde Muminjan Arzykulow altyn medal gazandy. Kümüş medallary Bägül Nuryýewa (söweş sambosy, 50 kilograma çenli) we Sabina Agajanowa (söweş sambosy, 80 kilogramdan ýokary) gazandylar. Bürünç medallara Kambar Umarow (sport sambosy, 71 kilograma çenli), Zarina Abdurahmanowa (söweş sambosy, 54 kilograma çenli) we Gülzada Jorakulyýewa (söweş sambosy, 72 kilograma çenli) mynasyp boldular. Ýaryşa dünýäniň 80 ýurdundan 470 den gowrak türgen gatnaşdy. Şu ýyl çempionatyň maksatnamasyna ilkinji gezek ýaryşyň täze görnüşleri — zenanlar söweş sambosy we gözi görmeýän türgenleriň arasyndaky tutluşyklar goşuldy.