Mary welaýatyndaky “Arkadagyň bagtyýar nesilleri” atly çagalar sagaldyş we dynç alyş merkezinde wagyz-nesihat çäresi geçirildi.

Bu çäre welaýat polisiýa müdirliginiň ýangyn howpsuzlygy bölümi we Mary şäheriniň polisiýa bölüminiň ýol gözegçilik bölümçesi tarapyndan guraldy.

Çärede welaýat polisiýa müdirliginiň ÝHB-niň Mary etrap ýangyn howpsuzlyk bölüminiň müdiri, içerki gullugyň maýory Röwşen Orazgeldiýew, Mary şäheriniň polisiýa bölüminiň PÝGB-niň gözegçisi, polisiýanyň kapitany Babajan Aşyrow çykyş etdiler. Olar çärä gatnaşan körpelere ýangyn howpsuzlygynyň we köçe-ýol hereketiniň howpsuzlygy barada gürrüň berdiler.

Gürrüňi edilýän meseleler dogrusynda çagalara degerli düzgünleri düşündirdiler.