TKA-nyň Garagum etrap birleşmesiniň, TMÝG-niň etrap geňeşiniň, etrabyň bedenterbiýe we sport bölüminiň bilelikde guramaklarynda «Sagdyn ruhly — sagdyn nesi»” at bilen wagyz-nesihat duşuşygy geçirildi. Duşuşyk bedenterbiýe we sport bölüminde guralyp, oňa TKA-nyň etrap birleşmesiniň hünärmenleri, TMÝG-niň etrap geňeşiniň işgärleri hem-de etrabyň bedenterbiýe we sport bölüminiň wekilleri gatnaşdylar.

Wagyz-nesihat duşuşygynda TKA-nyň etrap birleşmesiniň işgäri Läle Agaýewa, TMÝG-niň etrap geňeşiniň işgäri Ogulbagt Amanmyradowa we etrabyň bedenterbiýe we sport bölüminiň başlygynyň wezipesini wagtlaýyn ýerine ýetirijisi Batyr Akmuhammedow çykyş etdiler. Olar tertip-düzgün, ýaşlaryň arasynda bolup geçýän düzgün bozulmalary aradan aýyrmak bilen bagly meseleleriň üstünde durup geçdiler. Şeýle hem çykyş edenler çagalarymyzyň geljegi üçin bähbitli çäreler dogrusynda nygtap geçdiler.