Eýran Yslam Respublikasynyň Türkmenistandaky medeni meseleler boýunça geňeşçisi Nawid Rasuli Türkmenistanyň Döwlet medeni merkeziniň döwlet kitaphanasyna bardy. Bu barada Türkmenistanyň Medeniýet ministrliginiň web sahypasynda habar berildi.

Saparyň dowamynda eýranly diplomat Döwlet kitaphanasynyň bölümleriniň işi bilen içgin tanyşdy we bu edara gymmatly neşirleri sowgat etdi.

Olaryň arasynda: Eýran Yslam Respublikasynyň Aşgabatdaky Medeni Merkezinde taýýarlanan 15 golýazmadan ýazylan iki jiltden ybarat kitap, 10 müň sözden ybarat pars-türkmen sözlügi, türkmen-pars gepleşik sözlügi, 30 sany gadymy pars ertekileriniň ýygyndysy bar.