-
Mary welaýatynda TFF-niň eminleriniň gatnaşmagynda okuw-maslahaty geçirildi
20.11.2024 -
Türkmen samboçylary dünýä çempionaynda 6 medal gazandylar
20.11.2024 -
Sambo boýunça zenanlaryň arasynda Mary welaýatynyň birinjiligi geçirildi
20.11.2024 -
Türkmen tennisçileri —«Ashgabat Open 2024» halkara ýaryşynyň ýeňijileri!
20.11.2024 -
Basketbolçy gyzlar ýaryşdylar
18.11.2024
SYÝASAT
Türkmenistan Halkara awtomobil ulaglary bileleşigi bilen özara gatnaşyklara ygrarlydyr
2024-nji ýylyň 6-njy sentýabrynda Türkmenistanyň DIM-de Daşary işler ministri Raşid Meredow bilen Halkara awtomobil ulaglary bileleşiginiň (IRU) Baş sekretary Umberto de Prettonyň arasynda duşuşyk geçirildi.Duşuşygyň barşynda taraplar Türkmenistan bilen IRU-nyň arasyndaky hyzmatdaşlygyň oňyn tejribesini bellediler, şeýle-de multimodal ulag-üstaşyr geçelgelerini we halkara logistika merkezlerini ösdürmek, şol sanda ulag ulgamyny sanlaşdyrmak arkaly ýurtlaryň arasyndaky özara baglanyşygy gowulandyrmak boýunça geljekki hereketleri kesgitlediler.Taraplar BMG-niň çäklerindäki özara gatnaşyklary ara alyp maslahatlaşdylar we Türkmenistanyň başlangyjy bilen döredilen Durnukly ulagyň dostlary toparynyň işi barada pikir alyşdylar.Umberto de Pretto Türkmenistanyň sebit derejesinde ulag infrastrukturasyny kämilleşdirmäge ygrarlydygyny we halkara resminamalaryna goşulyşmak arkaly onuň netijeliligini ýokarlandyrmaga ýardam berýändigini belledi.Şeýle-de taraplar bilermenleriň mümkinçiliklerini giňeltmek we hyzmatdaşlygyň şertnamalaýyn-hukuk binýadyny ösdürmek meselelerini ara alyp maslahatlaşdylar. Noýabr aýynda Aşgabat şäherinde Bütindünýä durnukly ulag güni mynasybetli geçiriljek halkara maslahatyna taýýarlyk görmek meselesi hem ara alnyp maslahatlaşyldy.Duşuşygyň dowamynda BMG-niň Baş Assambleýasynyň 79-njy mejlisinde Türkmenistanyň ileri tutýan garaýyşlarynda öz beýanyny tapan durnukly ulag pudagy boýunça Türkmenistanyň başlangyçlaryny durmuşa geçirmegiň ýollaryna hem garaldy.
2024-nji ýylyň 6-njy sentýabrynda Türkmenistanyň DIM-de Daşary işler ministri Raşid Meredow bilen Halkara awtomobil ulaglary bileleşiginiň (IRU) Baş sekretary Umberto de Prettonyň arasynda duşuşyk geçirildi.
Duşuşygyň barşynda taraplar Türkmenistan bilen IRU-nyň arasyndaky hyzmatdaşlygyň oňyn tejribesini bellediler, şeýle-de multimodal ulag-üstaşyr geçelgelerini we halkara logistika merkezlerini ösdürmek, şol sanda ulag ulgamyny sanlaşdyrmak arkaly ýurtlaryň arasyndaky özara baglanyşygy gowulandyrmak boýunça geljekki hereketleri kesgitlediler.
Taraplar BMG-niň çäklerindäki özara gatnaşyklary ara alyp maslahatlaşdylar we Türkmenistanyň başlangyjy bilen döredilen Durnukly ulagyň dostlary toparynyň işi barada pikir alyşdylar.
Umberto de Pretto Türkmenistanyň sebit derejesinde ulag infrastrukturasyny kämilleşdirmäge ygrarlydygyny we halkara resminamalaryna goşulyşmak arkaly onuň netijeliligini ýokarlandyrmaga ýardam berýändigini belledi.
Şeýle-de taraplar bilermenleriň mümkinçiliklerini giňeltmek we hyzmatdaşlygyň şertnamalaýyn-hukuk binýadyny ösdürmek meselelerini ara alyp maslahatlaşdylar. Noýabr aýynda Aşgabat şäherinde Bütindünýä durnukly ulag güni mynasybetli geçiriljek halkara maslahatyna taýýarlyk görmek meselesi hem ara alnyp maslahatlaşyldy.
Duşuşygyň dowamynda BMG-niň Baş Assambleýasynyň 79-njy mejlisinde Türkmenistanyň ileri tutýan garaýyşlarynda öz beýanyny tapan durnukly ulag pudagy boýunça Türkmenistanyň başlangyçlaryny durmuşa geçirmegiň ýollaryna hem garaldy.
