Merw News habarlar saýty

Sport

TÝL-2024: Ýokary ligada 23-nji tapgyryň ýene iki duşuşygy geçirildi

16.09.2024

14-nji sentýabrda futbol boýunça Türkmenistanyň çempionatynyň 23-nji tapgyrynyň iki duşuşygy geçirildi. Şol gün paýtagtymyzda «Köpetdag» Marynyň «Merwini», Balkanabat şäherinde bolsa «Nebitçi» «Şagadamy» kabul etdi.

Aşgabat şäherindäki «Köpetdag» stadionynda geçirilen duşuşygyň ykbaly goşmaça wagtyň 5-nji minutynda çözüldi. Şol minutda «Merwiň» futbolçysy Toýly Goçnazarow tapawutlanyp, toparyna iki tapgyrdan soň ýeňiş getirdi. Bu ýeňişden soň «Merw» utugyny 28-e çykaryp, dördünji orundaky «Şagadam» bilen aralygy 2 utuga çenli ýygyrdy.

Balkanabatda geçirilen Balkan derbisinde bolsa ýerli «Nebitçi» «Şagadamy» 2:1 hasabynda ýeňdi. Türkmenbaşy şäherine wekilçilik edýän toparyň futbolçylary garşydaşyň iki minutda geçiren iki goluna diňe 50-nji minutda bir gezek jogap berip bildiler. Bu ýeňiş altynjy orundaky «Nebitçiniň» utugyny 19-a çykardy. Dördünji orundaky «Şagadam» bolsa 30 utukda galdy.

Tapgyryň açylyş duşuşygynda «ARKADAG» topary «Aşgabatdan» 3:0 hasabynda üstün çykdy. Tapgyrdaky «Ahal» ― «Altyn Asyr» duşuşygy bolsa ätiýaçdaky günleriň birine geçirildi.

Türkmenistanyň Ýokary ligasy. 23-nji tapgyryň netijeleri

14.09.2024 ý.

«Köpetdag» - «Merw» — 0:1

[0:1] — 90+5’ Toýly Goçnazarow

Duýduryşlar:

21’ Jumamyrat Jumaýew «Köpetdag»

25’ Şiri Annaýew «Köpetdag»

31’ Furkat Tursunow «Merw»

65’ Aly Haýdarow «Merw»

74’ Orazmuhammet Işangulyýew «Köpetdag»

88’ Döwletmyrat Seýitmuhammedow «Köpetdag»

90’+2 Galabeg Jumamyradow «Köpetdag»

90’+6 Batyr Geldiýew «Köpetdag»

Oýundan soň: Baýramgeldi Gulmaýew «Köpetdag»

Meýdandan çykarylan:

90’+5 Döwletmyrat Seýitmuhammedow «Köpetdag» — ikinji duýduryşy üçin

Geçirilen ýeri: «Köpetdag» stadiony (Aşgabat ş.)

Duşuşygyň emini: A.Gurbanow (Aşgabat ş.)

Kömekçi eminler: Ş.Hydyrow (Balkanabat ş.), K.Sapaýew (Daşoguz ş.)

Ätiýaçdaky emin: A.Weliýew (Änew ş.)

Gözegçi emin: Ç.Gurbanow (Aşgabat ş.)

«Nebitçi» — «Şagadam» — 2:1

[1:0] — 20’ Myratdurdy Baýramow

[2:0] — 22’ Serdar Gulyýew

[2:1] — 50’ Yhlas Magtymow

Duýduryşlar:

3’ Daýanç Orazgulyýew «Nebitçi»

10’ Mekan Aşyrow «Şagadam»

43’ Aşyrgeldi Saryýew «Nebitçi»

60’ Arslangylyç Nazlyýew «Nebitçi»

81’ Annamuhammet Öräýew «Nebitçi»

Meýdandan çykarylanlar:

36’ Wezirgeldi Ylýasow «Nebitçi»

36’ Hojanazar Gurbanow «Şagadam»

Geçirilýen ýeri: «Sport toplumy» stadiony (Balkanabat ş.)

Duşuşygyň emini: R.Mämmedow (Aşgabat ş.)

Kömekçi eminler: B.Haknazarow (Aşgabat ş.), A.Begnazarow (Mary ş.)

Ätiýaçdaky emin: A.Annamyradow (Balkanabat ş.)

Gözegçi emin: Ş.Durdyýew (Aşgabat ş.)

TÝL ― 2024. Ýaryş tertibi: (23-nji tapgyr duşuşyklardan soň / 14.09.2024)

T/b	Toparlar	O	Ý	D	U	Top	Utuk
1.	“ARKADAG”	21	21	0	0	101-12	63
2.	“ALTYN ASYR”	20	15	1	4	56-22	46
3.	“AHAL”	20	14	1	5	45-23	43
4.	“ŞAGADAM”	21	10	0	11	27-30	30
5.	“MERW”	21	9	1	11	16-39	28
6.	“NEBITÇI”	21	6	1	14	17-45	19
7.	“AŞGABAT”	21	5	3	13	17-45	18
8.	“KÖPETDAG”	21	3	5	13	13-39	14