1-nji fewraldan ýurdumyzdaky daşary ýurt raýatlary hem-de daşary ýurtlardaky türkmen raýatlary Aşgabat — Stambul — Aşgabat ugry boýunça gidiş we geliş peteklerini 706 amerikan dollaryna, Aşgabat — Dubaý — Aşgabat ugry boýunça hem petekleri 667 amerikan dollaryna satyn alyp bilerler.

20-nji ýanwardan Russiýadaky türkmen raýatlary we ýurdumyzdaku daşary ýurt raýatlary Aşgabat — Moskwa — Aşgabat ugry boýunça ikitaraplaýyn petekleri 661 amerikan dollaryna, Aşgabat — Kazan — Aşgabat ugry boýunça hem gidiş we geliş peteklerini 636 amerikan dollaryna satyn alyp bilerler.

Türkmenistanyň raýatlary Aşgabatdan Moskwa we Kazana, şeýle-de beýleki şäherlere awiapetekleri bir ugra türkmen manadynyň hasabynda hem satyn alyp bilýärler.

20-nji ýanwardan Türkmenistanyň raýatlary üçin Dubaý — Aşgabat ugruna awiapetekleriň bahasy arzanladylýar. Degişli ugra 20-nji ýanwara çenli 415 amerikan dollaryna satylan awiapetekler, şondan soň 380 amerikan dollarynda satylyp başlanar.