6-njy fewralda Siriýada bolup geçen weýrançylykly ýertitreme zerarly iberen ýürekden gynanjyňyz üçin Siriýa Arap Respublikasynyň Hökümetiniň adyndan we hut öz adymdan hoşallygymy beýan edýärin.

Siriýanyň halky şu agyr pursatda Türkmenistanyň bildiren belent ynsanperwerligine ýokary baha berýär. Siziň ýurduňyza abadançylyk arzuw edýärin.

* * * 

Peşewarda ýüzden gowrak adam pidalaryna, şeýle hem şikes ýetmelerine getiren terrorçylyk bilen baglylykda, iberen gynanç hatyňyz we duýgudaşlygyňyz üçin Size tüýs ýürekden hoşaldyryn. Şeýle hasratly pursatda Siziň Alyhezretiňiziň Pakistanyň Hökümetine we gurban bolanlaryň dogan-garyndaşlaryna duýgudaşlyk bildirmegi ýurtlarymyzyň halklarynyň arasyndaky berk dostluk gatnaşyklarynyň subutnamasydyr.

Pakistanyň Hökümeti we halky, ozalkysy ýaly, terrorçylyk wehiminiň ähli görnüşlerini ýok etmäge ygrarlydyr.

Pursatdan peýdalanyp, Siziň Alyhezretiňize berk jan saglyk, bagtyýarlyk, Türkmenistanyň doganlyk halkyna bolsa ösüş we abadançylyk arzuw edýärin.

Siziň Alyhezretiňize belent sarpa goýýandygym baradaky ynandyrmalarymy kabul ediň!