Türkmenistan şu ýylyň 13 — 15-nji dekabry aralygynda Ženewada (Şweýsariýa) geçiriljek Bosgunlar boýunça ählumumyl foruma gatnaşar. Bu mesele BMG-niň Almaty şäherindäki wekilhanasynda geçirilen foruma taýýarlyk boýunça sebitleýin duşuşygynda ara alnyp maslahatlaşyldy diýip, Gazagystanyň Daşary işler ministrliginiň resmi saýtynda habar berilýär.

Bellenilişine görä, Ženewada geçiriljek foruma Merkezi Aziýa döwletleriniň dördüsinden, hususan-da, Türkmenistandan, Gazagystandan, Gyrgyzystandan hem-de Özbegistandan ýokary derejeli wekilleriň gatnaşmagyna garaşylýar.