Düýn, welaýat merkezinde ýerleşýän Kemine adyndaky döwlet drama teatrynda 2023-nji ýylda welaýatymyzda pile tabşyrmak boýunça şertnamalaýyn borçnamanyň üstünlikli ýerine ýetirilmegi mynasybetli welaýat häkimliginiň guramagynda dabaraly maslahat geçirildi.

Dabaraly maslahatda welaýat häkimi Döwranberdi Annaberdiýew çykyş edip,  ussat pileçi kärendeçileri gutlady. Soňra ussat kärendeçi pileçileri zähmet ýeňşiniň toýy bilen gutlap, Mary etrabynyň ýaşaýjysy, Türkmenistanyň hormatly il ýaşulusy Çaryýarguly Hommaýew, Mary etrabynyň ýaşaýjysy, Türkmenistanyň “Zenan kalby” ordeniniň eýesi Aksoltan Baýramowa, Sakarçäge etrabynyň “Agzybir” daýhan birleşiginiň öňdebaryjy pileçi kärendeçisi Almagözel Sahyýewa çykyş etdiler.

Dabaranyň dowamynda, Watan harmanyna pile tabşyrmakda tapawutlanan ussat kärendeçileriň birnäçesine hormatly Prezidentimiziň adyndan gymmat bahaly sowgat - telewizorlar gowşuryldy we olara tutanýerli işlerinde üstünlik arzuw edildi.

Ol ýerde aýdym-sazlar ýaňlandy.

Sähet   HOJAGELDIÝEW.