Hormatly Serdar Gurbangulyýewiç!

Tutuş musulman ymmaty üçin nurana we sahawatly baýram bolan Gurban baýramy mynasybetli Sizi, Siziň ýakynlaryňyzy, şeýle hem Türkmenistanyň ähli halkyny tüýs ýürekden gutlaýaryn. Umumy taryhy, dili, dini, medeniýeti bolan doganlyk halklarymyz tarapyndan giňden bellenilýän bu mukaddes baýramyň iki ýurduň arasyndaky özara düşünişmek ruhunyň mundan beýläk-de pugtalandyrylmagyna ýardam etjekdigi şübhesizdir.

Soňky döwürde Özbegistan bilen Türkmenistanyň arasyndaky strategik hyzmatdaşlygyň ähli ulgamlarda hemmetaraplaýyn ösdürilýändigine uly kanagatlanma bildirýäris. Özara gatnaşyklarymyzy pugtalandyrmak boýunça bilelikdäki tagallalarymyzyň dostlukly özbek we türkmen halklarynyň esasy bähbitlerine laýyk gelýändigini aýratyn nygtamak isleýärin.

Mümkinçilikden peýdalanyp, şu sahawatly günlerde Size Beýik Biribardan berk jan saglyk, maşgala abadançylygyny, jogapkärli döwlet işiňizde täze üstünlikleri, Türkmenistanyň doganlyk halkyna bolsa parahatçylyk, abadançylyk we durnukly ösüş dileýärin.

Hormatlamak bilen,

* * *

Hormatly Serdar Gurbangulyýewiç!

Mukaddes Gurban baýramy mynasybetli Gazagystanyň halkynyň adyndan hem-de hut öz adymdan Sizi we watandaşlaryňyzy mukaddes Gurban baýramy bilen tüýs ýürekden gutlaýaryn. Goý, rehim-şepagatlylyk, hoşniýetlilik, ahlaklylyk ýaly asylly häsiýetleri berkidýän bu beýik baýram biziň doganlyk halklarymyzyň abadançylygyny we rowaçlygyny has-da artdyrsyn!

Dünýäniň musulman ymmaty üçin şu mukaddes günlerde, hormatly Serdar Gurbangulyýewiç, Size täze başlangyçlaryňyzda hem-de asylly işleriňizde şowlulyk, türkmen halkyna bolsa abadançylyk arzuw edýärin!

Gurban baýramyňyz gutly bolsun!

Iň gowy arzuwlar bilen,

* * *

Hormatly Serdar Gurbangulyýewiç!

Sahawatly Gurban baýramy mynasybetli biziň tüýs ýürekden gutlaglarymyzy we hoşniýetli arzuwlarymyzy kabul etmegiňizi haýyş edýärin. Şu mukaddes günlerde Size berk jan saglyk, bagt, jogapkärli işiňizde üstünlikleri, Türkmenistanyň dost-doganlyk halkyna bolsa parahatçylyk, abadançylyk, durnukly ösüş arzuw edýärin.

Dünýäniň ähli musulmanlary üçin mukaddes bolan bu baýram asyrlaryň dowamynda biziň halklarymyzyň jebisligine, agzybirligine we raýdaşlygyna ýardam edýär. Baýramyň belent ruhy ýörelgelerine laýyklykda, biziň ýurtlarymyzyň arasyndaky dost-doganlyk we döredijilikli hyzmatdaşlyk gatnaşyklarynyň barha ösdüriljekdigine, halklarymyzyň abadançylygynyň bähbidine täze many-mazmun bilen baýlaşdyryljakdygyna ynanýaryn.

Hormatlamak bilen,

* * *

Hormatly Serdar Gurbangulyýewiç!

Gyrgyzystanyň halkynyň adyndan we hut öz adymdan Sizi mukaddes Gurban baýramy bilen tüýs ýürekden gutlaýaryn. Bu sahawatly baýram biziň halklarymyzyň baý ruhy mirasynyň aýrylmaz bölegine öwrüldi we yslamyň hakyky gymmatlyklaryny özünde jemleýär. Ol adamzady rehim-şepagatlylyga, adalatlylyga çagyrýar, özara kömek-goldawy ündeýär.

Döwrüň synagyndan geçen gyrgyz-türkmen dostlugynyň mundan beýläk-de ýurtlarymyzyň arasyndaky strategik we köpugurly hyzmatdaşlygy yzygiderli pugtalandyrmak üçin ygtybarly esas bolup hyzmat etjekdigine berk ynanýaryn.

Hormatly Serdar Gurbangulyýewiç, Size berk jan saglyk, döwlet işiňizde uly üstünlikleri, Türkmenistanyň doganlyk halkyna bolsa abadançylyk we rowaçlyk arzuw edýärin!

Hormatlamak bilen,

* * *

Sizi mukaddes Gurban baýramy mynasybetli tüýs ýürekden gutlaýaryn.

Siziň Alyhezretiňize abadançylyk we bagtyýarlyk, Türkmenistanyň dostlukly halkyna bolsa öňegidişlik, rowaçlyk arzuw edýärin.

Beýik Biribardan musulman ymmatyna bu nurana baýramda bolelinlik dileýärin.

* * *

Palestinanyň halkynyň we Hökümetiniň adyndan, şeýle-de hut öz adymdan Siziň Alyhezretiňizi, Siziň üstüňiz bilen Türkmenistanyň Hökümetini hem-de doganlyk halkyny mukaddes Gurban baýramy bilen tüýs ýürekden gutlaýaryn.

Beýik Biribardan Siziň Alyhezretiňize berk jan saglyk, üstünlik, türkmen halkyna we musulman ymmatyna bolsa abadançylyk dileg edýärin.

Baýramyňyz gutly bolsun!

* * *

Mukaddes Gurban baýramy mynasybetli Siziň Alyhezretiňizi we Türkmenistanyň doganlyk halkyny tüýs ýürekden gutlaýaryn. Bu sahawatly baýram yslam dünýäsiniň jebisliginiň beýanydyr, mukaddes topraga zyýarat etmegiň hem-de ýakynlaryňy goldamagyň döwrüdir. Beýik Biribardan biziň doga-dileglerimizi, baýramçylyk sadakalarymyzy kabul etmegini, musulman ymmatyna abadançylyk eçilmegini dileýärin.

Ikitaraplaýyn dostlukly gatnaşyklaryň biziň halklarymyzyň bähbidine mundan beýläk-de ösdüriljekdigine ynanýaryn.

Siziň Alyhezretiňize berk jan saglyk, üstünlik, Türkmenistanyň doganlyk halkyna bolsa ösüş we abadançylyk arzuw edýärin.

* * *

Mukaddes Gurban baýramy mynasybetli Siziň Alyhezretiňize iň gowy arzuwlarymy we mähirli gutlaglarymy ibermäge şatdyryn.

Gudraty Güýçli Allatagaladan Siziň Alyhezretiňize berk jan saglyk we bagt, Türkmenistana parahatçylyk, üstünlik, tutuş musulman ymmatyna bolsa abadançylyk, rowaçlyk dileýärin.