Berkarar döwletiň Bagtyýarlyk döwrinde, Arkadag Serdarly bagtyýar ýaşlar ýylynda Gahryman Arkadagymyzyň, Arkadagly Gahryman Serdarymyzyň parasatly baştutanlygynda Garaşsyz, hemişelik Bitarap Türkmenistan diýarymyzyň her bir güni parahatçylyga, asudalyga beslenýär. Biziň Mary welaýatynyň bedenterbiýe we sport baradaky Baş müdirliginiň garamagyndaky Mary şäheriniň №7 sport mekdebinde sportuň birnäçe görnüşleri, ýagny,  woleýbol, stol tennis, badminton, agyr atletika, erkin göreşi, kik-boks, dzýudo, sambo,  taekwon-do WT ýaly görnüşleri hereket edýär. Häzirki wagtda sport mekdepde 33 sany topar, 388 türgen türgenleşik işlerini alyp barýarlar. Biziň türgenlerimiz  Türkmenistan, welaýat birinjiliklerine, çempionatlaryna, kuboklaryna gatnaşyp altyn, kümüş, bürünç medallara yzygiderli eýe bolýarlar. Türgenleri taýýarlamakda, Döwlet, welaýat derejesinde geçirilýän ýaryşlarda has ýokary netijeleri görkezen tälimçi-mugallymlar hökmünde Sportuň dzýudo görnüşi boýunça tälimçi-mugallymy Maýa Meredowany, sportuň taekwondo-WT görnüşi boýunça tälimçi-mugallymy Kaýumberdi Annadurdyýewi, sportuň agyr atletika görnüşi boýunça tälimçi-mugallymy Kuwwat Söýünowy aýratyn bellemek bolar.

Geljekde-de tälimçi-mugallymlarymyzyň taýýarlaýan türgenleri döwlet, halkara derejesinde geçirilýän ýaryşlara gatnaşyp türkmen baýdagyny belende göterer diýip umyt edýäris.

Sport ulgamynda  uly işleri alyp barýan Gahryman Arkadagymyza, Arkadagly Gahryman  Serdarymyzyň jany sag, belent başy aman bolsun! Alyp barýan  işleri diňe rowaçlyklara beslensin!