Berkarar döwletiň Bagtyýarlyk döwrinde Hormatly Prezidentimiziň parasatly baştutanlygynda Garaşsyz, hemişelik Bitarap Türkmenistan diýarymyzyň her bir güni parahatçylyga, asudalyga beslenýär. Biziň Mary welaýatynyň bedenterbiýe we sport baradaky Baş müdirliginiň garamagyndaky Mary şäheriniň №5 sport mekdebinde sportuň birnäçe görnüşleri, ýagny,  futbol, basketbol, ýeňil atletika, agyr atletika, grek-rim göreşi, erkin göreşi, kikboksing, çeper gimnastika, suwda pökgi oýnamak, taekwon-do ITF ýaly görnüşleri hereket edýär. Häzirki wagtda sport mekdepde 32 sany topar, 422 türgen türgenleşik işlerini alyp barýarlar. Biziň türgenlerimiz  Türkmenistan, welaýat birinjiliklerine, çempionatlaryna, kuboklaryna gatnaşyp altyn, kümüş, bürünç medala eýe bolýarlar. 

Sportuň Taekwon-do ITF görnüşi boýunça 2023 ýylyň awgust aýynyň 24-27-i aralygynda Gazagystan döwletinde geçirlen 19-njy Dünýä çempionatynda tälimçi- mugallym Annamyrat Goşanyýazow III-orna mynasyp boldy.

Geljekde-de tälimçi-mugallymlarymyzyň taýýarlaýan türgenleri döwlet, halkara derejesinde geçirilýän ýaryşlara gatnaşyp türkmen baýdagyny belende göterer diýip umyt edýäris.

Sport ulgamynda  uly işleri alyp barýan Gahryman Arkadagymyza, Arkadagly Gahryman  Serdarymyzyň jany sag, belent başy aman bolsun! Alyp barýan  işleri diňe rowaçlyklara beslensin!