“Hypershell” robotehnika başlangyjy özüniň täze işläp taýýarlamasyny, ýagny, “ProX” ekzoskeletini CES 2024 atly sergisinde hödürledi.

“ProX” ekzoskeletiň iň ýokary tizligi sagatda 20 km çenli ýetýär. Ekzoskelet ýöremage, ylgamaga, hatda tigir sürmäge hem ukuplydyr. Esasanam ol ýükli syýahatçylar üçin has peýdaly, sebäbi ol 30 kg çenli ýüki göterip bilýär.

Enjamyň dokuz sepi bar, olaryň biri işjeň bolup, motora birikdirilen, galany bolsa başga işjeň däl bolup durýar. Bu bolsa hereketiň geriminiň giň bolmagy üçin mümkinçilik berýär.

“ProX” çyglylykdan we tozandan (IP54) goraldylan, we ol -20°C çenli temperaturada hem işleýär, ýöne, gynansak-da, bu enjam garda snoubordly typmak üçin niýetlenen däldir. Ekzoskelet 14,8 woltlyk batareýalar bilen enjamlaşdyrylyp, ol sekiz sagatlap işlemäge we 16 kilometre çenli pyýada ýöremäge ukyply. Bu enjamiň doly zarýad almagy üçin 4 sagat ýeterlikdir.