Şu gün, 29-njy martda Türkmenistanyň futbol çempionatynyň 4-nji tapgyrynyň çäginde iki duşuşyk geçirildi. Öz meýdanynda “Aşgabat” bilen duşuşan “Şagadam” topary çempionatdaky 2-nji ýeňşini gazanyp (1:0), ýaryş tertibinde eýeleýän dördünji ornunda galdy. 7 utugy bolan “Aşgabat” topary ikinji orny eýelemegini dowam edýär. 

Oýun gününiň beýleki duşuşygynda “Merw” paýtagtymyzyň “Köpetdag” toparyny kabul etdi. Bu duşuşyk 2:1 hasabynda “Merwiň” peýdasyna tamamlandy. Geçiren duşuşyklaryndan soň “Merw” bäşinji, “Köpetdag” bolsa ýedinji orunlary eýeleýärler.

Ýurdumyzyň futbol çempionatynyň 4-nji tapgyrynyň jemleýji gününde, 30-njy marta “Arkadag” – “Ahal” hem-de “Altyn Asyr” – “Nebitçi” toparlary duşuşarlar.

 

Gol: 90+2 (11 m.j.u.) Emir Berdiýew (“Şagadam”)

Duýduryşlar: 69 Hemra Klyçew, 82 Hydyr Ýakubow (“Şagadam”) – 26 Begmyrat Pirkuliýew, 79 Atageldi Geldiýew, 89 Azat Rahmanow, 90+1 Oraz Orazow, 90+3 Möwlamberdi Goşşanow (“Aşgabat”)

Meýdandan çykarylanlar: 90+4 Myrat Dadaýew, 90+4 Hydyr Ýakubow (“Şagadam”) – 80 Begmyrat Pirkuliýew, 2-nji duýduryş (“Aşgabat”)

Geçirilen ýeri: “Şagadam” stadiony (Türkmenbaşy ş.)

Duşuşygyň emini: A.Gurbanow (Aşgabat ş.) 

Kömekçi eminler: R.Ereşow (Türkmenabat ş.), M.Allaberdiýew (Aşgabat ş.)

Ätiýaçdaky emin: A.Annamyradow (Balkanabat ş.)

Gözegçi emin: R.Japarow (Aşgabat ş.)

 

Gollar: 14, 38 Guwanç Berdimyradow (“Merw”) – 51 Döwletmyrat Seýitmuhammedow (“Köpetdag”)

Duýduryşlar: 84 Şazada Bäşimow (“Merw”) – 31 Serdar Baýramow, 62 Orazmuhammet Işangulyýew, 73 Şiri Annaýew, 79 Nyýazmyrat Kulýazow, 90+1 Resul Mahmydow, 90+2 Döwletmyrat Seýitmuhammedow (“Köpetdag”)

Geçirilen ýeri: “Sport desga” (Baýramaly ş.)

Duşuşygyň emini: N.Garajaýew (Aşgabat ş.) 

Kömekçi eminler: Ş.Hydyrow (Balkanabat ş.), M.Nurberdiýew (Aşgabat ş.)

Ätiýaçdaky emin: W.Boluýans (Türkmenabat ş.)

Gözegçi emin: E.Ramazanow (Aşgabat ş.)