Ýurdumyzyň futbol çempionatynyň 4-nji tapgyrynyň jemleýji duşuşyklarynyň netijesinde “Arkadag” topary ýaryş tertibinde birinji basgançaga geçmegi başardy.

Bu tapgyrda “Ahal” topary bilen duşuşan “Arkadag” 4:1 hasabynda ýeňiş gazandy.

Tapgyryň beýleki duşuşygynda paýtagtymyzyň “Altyn Asyr” topary öz meýdanynda “Nebitçini” ýeňlişe sezewar etdi – 2:1.

Şeýlelikde geçirilen duşuşyklardan soň 9 utuk toplan “Arkadag” topary ýaryş tertibinde birinji basgançagy eýeleýär. “Ahal” toparynyň hem geçiren duşuşyklarynda 9 utuk toplandygyny bellemek gerek. Ýaryş tertibiniň üçünji basgançagynda 7 utuk toplan “Aşgabat” toparlary ornaşdy.

Ýurdumyzyň futbol çempionatynyň 5-nji tapgyrynyň duşuşyklary 2-nji hem-de 3-nji aprelde geçiriler: “Aşgabat” – “Arkadag”, “Köpetdag” – “Şagadam”, “Energetik” – “Merw”, “Ahal” – “Altyn Asyr”.

Gollar: 10 Welmyrat Ballakow, 45+2 (11 m.j.u.) Arslanmyrat Amanow, 63 Altymyrat Annadurdyýew, 67 Begenç Akmämmedow (“Arkadag”) – 38 Alibek Abdyrahmanow (“Ahal”)

Duýduryşlar: 7 Ybraýym Mämmedow, 36 Mirza Beknazarow (“Arkadag”) 

Geçirilen ýeri: “Sport toplumy” stadiony (Arkadag ş.)

Duşuşygyň emini: Ç.Gurbanow (Aşgabat ş.) 

Kömekçi eminler: A.Begnazarow (Mary ş.), Ý.Jumamyradow (Aşgabat ş.)

Ätiýaçdaky emin: M.Gulmuhamedi (Aşgabat ş.)

Gözegçi emin: A.Sapaýew (Daşoguz ş.)

 

Gollar: 17 Selim Nurmyradow, 50 Wahyt Orazsähedow (“Altyn Asyr”) – 53 Myratdurdy Baýramow (“Nebitçi”)

Duýduryşlar: 37 Ruslan Täjiýew (“Altyn Asyr”) – 62 Wezirgeldi Ylýasow, 90+2 Serdar Gulyýew (“Nebitçi”)

Geçirilen ýeri: “Sport desga” (Ahal wel. Gökdepe etr. Babarap geňeşligi)

Duşuşygyň emini: J.Jumamyradow (Aşgabat ş.) 

Kömekçi eminler: P.Pälwanow (Daşoguz ş.), H.Abdiýazow (Daşoguz ş.)

Ätiýaçdaky emin: M.Şanazarow (Ýolöten ş.)

Gözegçi emin: H.Rejepow (Aşgabat ş.)