Şu gün, 3-nji aprelde ýurdumyzyň futbol çempionatynyň 5-nji tapgyrynyň jemleýji duşuşyklary geçirildi. Tapgyryň merkezi duşuşygy “Ahal” hem-de “Altyn Asyr” toparlarynyň arasynda geçirilendigini bellemek gerek. Bu duşuşykda döreden mümkinçiliklerini ýerlikli peýdalanan “Altyn Asyr” topary garşydaşyny 2:0 hasabynda ýeňlişe sezewar etdi. 

Tapgyryň oýun gününiň beýleki duşuşyklarynda “Merw” myhmançylykda “Energetigi” 1:0 hasabynda ýeňlişe sezewar etdi. “Köpetdag” bilen “Şagadam” toparlarynyň arasynda geçirilen duşuşyk hem myhmanlaryň peýdasyna tamamlandy (1:4).

Bu tapgyryň ilkinji duşuşygy 2-nji aprelde geçirilip, onuň netijesinde “Arkadag” topary 8:1 hasabynda”Aşgabat” toparyndan üstün çykypdy.

Şeýlelikde geçirilen oýunlardan soň 12 utukdan toplan “Arkadag” topary öňdäki orny eýeleýär. “Şagadam”, “Ahal” hem-de “Merw” toparlary geçiren duşuşyklarynda 9 utukdan topladylar. 

Ýurdumyzyň futbol çempionatynyň 6-njy tapgyrynyň duşuşyklary 6-njy aprelde geçiriler: “Şagadam” – “Energetik”, “Arkadag” – “Köpetdag”, “Altyn Asyr” – “Aşgabat”, “Nebitçi” – “Ahal”.

 

Gollar: 13 Şiri Annaýew (“Köpetdag”) – 10 Röwşen Baýlyýew, 29 (11 m.j.u.) Mekan Aşyrow, 45 Arslan Ýollyýew, 54 Hydyrgeldi Atdjanow (“Şagadam”)

Duýduryşlar: 31 Şiri Annaýew, 53 Orazgeldi Seýidow, 86 Niýazmyrat Kulýazow, 87 Batyr Täçnazarow (“Köpetdag”) – 84 Ýunus Orazmämmedow (“Şagadam”)

Geçirilen ýeri: “Köpetdag” (Aşgabat ş.)

Duşuşygyň emini: P.Pälwanow (Daşoguz ş.) 

Kömekçi eminler: B.Atdyýew (Tejen ş), E.Ýazmyradow (Aşgabat ş.)

Ätiýaçdaky emin: S.Çaryýew (Mary ş.)

Gözegçi emin: B.Atajanow (Daşoguz ş.)

 

Gol: 56 Kemal Annamuhammedow (“Merw”)

Duýduryşlar: 49 Röwşen Hudaýgulyýew, 63 Guwançgeldi Ýagmyrow, 78 Döwlet Baýramow, tälimçi (“Energetik”)

Geçirilen ýeri: “Energetik” stadiony (Mary ş.)

Duşuşygyň emini: J.Jumamyradow (Aşgabat ş.) 

Kömekçi eminler: B.Haknazarow (Aşgabat ş.), Ş.Hydyrow (Balkanabat ş.)

Ätiýaçdaky emin: A.Weliýew (Änew ş.)

Gözegçi emin: B.Allaberdiýew (Aşgabat ş.)

 

Gollar: 26, 38 Selim Nurmyradow (“Altyn Asyr”)

Duýduryşlar: 34 Elman Tagaýew (“Ahal”) – 59 Ahmet Ataýew, 63 Hoşgeldi Hojowow, 71 Şöhrat Söýünow, 85 Serdar Annaorazow, 90+7 Myrat Annaýew (“Altyn Asyr”)

Meýdandan çykarylan: 90+6 Meýlis Diniýew (“Ahal”)

Geçirilen ýeri: “Sport desga” (Ahal wel. Gökdepe etr. Babarap geňeşligi)

Duşuşygyň emini: R.Mämmedow (Aşgabat ş.) 

Kömekçi eminler: Y.Kurambaýew (Daşoguz ş.), E.Annamyradow (Balkanabat ş.)

Ätiýaçdaky emin: R.Ereşow (Türkmenabat ş.)

Gözegçi emin: R.Pälwanow (Daşoguz ş.)