16-njy aprelde Türkmenistanyň futzal boýunça milli ýygyndysy halkara duşuşyklaryny geçirmek üçin Belarus Respublikasyna ýola düşdi. Geçiriljek oýunlar guralýan futzal ýaryşynyň çäginde geçiriler. Olaryň netijesinde ýeňiji kesgitlener we sylaglanar.

Tälimçi Ýakup Öwezowyň ýolbaşçylygynda türkmen topary Belarusyň milli ýygyndysy bilen iki duşuşyk geçirer. Birinji oýun 20-nji aprelde Mogilew şäherindäki Olimpiýa sport toplumynda, ikinji duşuşyk bolsa 22-nji aprelde Minskdäki «Uruçýe» sport köşginde geçiriler.

Milli ýygyndymyz jemleýji duşuşygyny 24-nji aprelde MFK «MINSK» toparynyň garşysyna geçirer.

Oýunçylar: Rehimberdi Halmämmedow, Meretgeldi Baýramow, Gylyçmyrat Gylyçmyradow, Daniil Pançenko, Kirill Çaryýew, Hamid Menglibaýew, Akmyrat Durdiýew, Rahatmyrat Nepesow, Alişer Hudaýdergenow, Maksat Soltanow, Abdylla Nursähedow, Gurbangeldi Sähedow, Şiri Baýramdurdyýew we Kerwen Annaorazow.

Tälimçiler düzümi: Ýakup Öwezow (baş tälimçi), Amandurdy Annadurdyýew (tälimçi), Maksat Myradow (beden taýdan taýýarlygy

boýunça tälimçi).