TMÝG-niň Sakarçäge etrap geňeşi bilen «Arkadagyň bagtyýar nesilleri» çagalar sagaldyş we dynç alyş merkeziniň bilelikde guramagynda «Berkarar döwletiň bagtyýar çagalary» ady bilen türkmen milli oýunlaryny oýnamak we köpçülikleýin medeni sport çäresi geçirildi.

Çärä welaýatyň şäherdir etraplaryndan çagalar sagaldyş we dynç alyş merkezine dynç almaga gelen dürli ýaşdaky körpeler gatnaşdylar.

Çagalar türkmen milli oýunlaryny oýnamakda özleriniň ukyp-başarnyklaryny görkezdiler. Özara sowal-jogap alyşdylar. Sportuň birnäçe görnüşi boýunça toparara ýaryşlary guradylar. Gyzykly, şadyýan geçen çärede işjeňlik görkezen çagalara TMÝG-niň etrap geňeşiniň Hormat hatlary gowşuryldy.