Mary şäherindäki 2-nji sport mekdebinde sportuň dzýu-do görnüşi boýunça Mary welaýatynyň birinjiligini almak ugrunda ýaryş geçirildi. Ulularyň arasynda geçirilen ýaryşa etrap, şäher sport mekdepleriniň türgenleri gatnaşdylar.

Guralan ýaryş, diýseň, çekeleşikli hem gyzgalaňly geçdi. Dzýudoçy türgenler ýaryşda özleriniň ukyp-başarnyklaryny aýan edip, ussatlyklaryny görkezdiler. Netijede, emin agzalarynyň adalatly baha bermeginde ýeňijiler öňe saýlandy.

Toparlaýyn hasap boýunça Mary şäheriniň türgenleri 1-nji, Ýolöten etrabynyň türgenleri 2-nji, Garagum etrabynyň türgenleri 3-nji orunlara mynasyp boldular.

Ýeňiji bolan türgenlere Hormat hatlary we ýadygärlik sowgatlary gowşuryldy.