Ýakynda Mary welaýat taryhy we ülkäni öwreniş muzeýine Mary şäherindäki edara-kärhanalaryň ilkinji ýaşlar guramalarynyň başlyklarynyň we işjeň agzalarynyň gatnaşmagynda täsirli gezelenç guraldy. TMÝG-niň Mary şäher geňeşiniň hem-de welaýat taryhy we ülkäni öwreniş muzeýiniň bilelikde guramagynda guralan gezelenç oňa gatnaşyjylar üçin has-da täsirli boldy.

«Gadymy taryhym — hazyna-genjim» ady bilen guralan gezelençde ýaşlar türkmen halkynyň taryhy geçmişi, oba durmuşy, gymmatly hem taryhy eksponatlaryň ähmiýeti bilen içgin tanyş boldular. Olar bu ýerde taryhy maglumatlaryň gözli şaýady boldular. Muzeýiň işgäriniň beren täsirli gürrüňleri ýaşlarda taryha bolan aýratyn gyzyklanmany döretdi.