Mary şäheriniň №5 sport mekdebi, Mary şäheriniň Güneş şäherçesinde ýerleşip, sportuň 10 görnüşi boýunça türgenleşik işleri alnyp barylýar. Ýagny, sportuň futbol, basketbol, ýeňil atletika, agyr atletika, grek-rim we erkin göreşi, çeper gimnastika, kikboksing, taekwon-do ITF hem-de suwda pökgi oýnamak görnüşleri bar.

Sportuň futbol görnüşi boýunça ilkibaşda 9-10 ýaşdaky ýetginjekleri ene-atalarynyň razylygy we lukman gözegçiliginden geçirilenden soňra türgenleşige kabul edilýär we sport mekdebiniň direktorynyň goly we möhüri bilen “Türgeniň hasaba alnandygy hakynda şahadatnama” berilýär. (surat 1) Birnäçe wagtyň dowamynda türgenleşik geçirilenden soň, barlag-synaglaryndan geçirilip, oňat netije görkezen türgenleri geljek okuw-türgenleşik ýylyna geçirilýär. Wagtyň geçmegi bilen topardaky işjeň türgenleri şäher, etrap, welaýat derejesinde geçirilýän ýaryşlaryna gatnaşdyrylýar. Ýaryşlarda baýrakly orunlara mynasyp bolan toparlaryň türgenleri hormat haty we medallar bilen sylaglanýar hem-de ýaryşlara yzygiderli netije görkezen türgenlere sport mekdebi tarapyndan sport atlary we razrýadlary berilýär.