Türkmenistanyň futbol çempionatynyň bäşinji tapgyrynyň çäginde duşuşyklaryň ikisi geçirildi.

Ýaryş tertibinde ikinji basgançagy eýeleýän «Merw» topary öz meýdanynda ýurdumyzyň geçen ýylky çempiony «Altyn Asyr» bilen duşuşdy. Bu duşuşykda toparlara tapawutlanmak başartmady (0:0). Tapgyryň beýleki duşuşygy paýtagtymyzda geçirilip, onda «Ahal» myhmançylykda «Köpetdagdan» 2:1 hasabynda üstün çykdy.

Şeýlelikde, geçirilen duşuşyklardan soň 13 utuk toplan «Ahal» ýaryş tertibiniň ýokarky basgançagyny eýeleýär. 10 utuk toplan «Merw» ýaryş tertibinde ikinji orunda ornaşmagy başardy.

Ýurdumyzyň futbol çempionatynyň 6-njy tapgyrynyň duşuşyklary 26-njy hem-de 27-nji awgustda geçiriler – «Altyn Asyr» – «Aşgabat», «Energetik» – «Nebitçi», «Ahal» – «Merw», «Şagadam» – «Köpetdag».

Gollar: 6 (11 m.j.u.) Şiri Annaýew («Köpetdag») – 47 Didar Durdyýew, 72 Arslanmyrat Amanow («Ahal»)
Duýduryşlar: 8 Serdarmyrat Baýramow, 17 Şiri Annaýew, 37 Öwezbaý Muhammetmyradow, 40 Bagtyýar Gürgenow («Köpetdag») – 5 Rasul Çaryýew, 17 Meýlis Diniýew, 20 Ata Geldiýew, 27 Ybraýym Mämmedow, 56 Serdar Geldiýew, 62 Şöhrat Söýünow, 78 Selim Nurmyradow, 90+4 Didar Durdyýew («Ahal»)
Meýdandan çykarylan: Tofik Şukurow, baş tälimçi (oýundan soň) («Köpetdag»)
Geçirilen ýeri: «Köpetdag» stadiony (Aşgabat ş.)
Duşuşygyň emini: R.Mämmedow (Aşgabat ş.)
Kömekçi eminler: B.Atdyýew (Tejen ş.), M.Nurberdiýew (Aşgabat ş.)
Ätiýaçdaky emin: A.Jumamyradow (Aşgabat ş.)
Gözegçi emin: M.Seýitgulyýew (Aşgabat ş.)

«Merw» – «Altyn Asyr» – 0:0
Duýduryşlar: 34 Döwletmyrat Döwletmyradow, 45+2 Azat Orazmuhammedow, 90+1 Daýanç Orazgulyýew, 90+2 Merdan Saparow («Merw»)
Geçirilen ýeri: «Sport toplumy» stadiony (Mary ş.)
Duşuşygyň emini: Ş.Hydyrow (Balkanabat ş.)
Kömekçi eminler: S.Gurbanow (Balkanabat ş.), R.Ereşow (Türkmenabat ş.)
Ätiýaçdaky emin: I.Kurambaýew (Daşoguz ş.)
Gözegçi emin: A.Sapaýew (Daşoguz ş.)