Geografiýa hünärmenleriniň güni - täze baýramçylyk bolmagyna garamazdan, halkara guramalaryň ünsüni özüne çekdi. Bu ýyl baýramçylygy birinji gezek BRIKS döwletleriniň müňlerçe hünärmenleri hem belleýär: glýasiologlar, kartograflar, ornitologlar, okeanologlar.

Aýnaň aşagynda buz çapylýan paltadan başlap, polýar geýimleri we Ýeri öwrenmeklik üçin ýörite enjamlary, on müňlerçe ylmy zähmet sahypalaryna çenli rus geografiýanyň taryhy gatlagy ýerleşdirildi. Şeýdip Russiýanyň ylymlar akademiýasynyň degişli institutynda gadymy açylyşlara öz hormatyny bildirýärler, sebäbi häzirki derňewleriň öňegidişlikleri hem şolaryň özeninde ýatýar.

Bu institutda 200-e golaý resmi alymlar, geograflar işleýär. Olar diňe bir howa hadysalaryny öwrenmän, eýsem landşaft durnuklylygyny, tebigy baýlyklaryň ýagdaýlaryny bahalandyrmak, dünýädäki we sebitdäki ösüşleri yzarlamak, adamlaryň, haýwanlaryň we guşlaryň göçüş ýagdaýlaryny öwrenýärler. Ýeleklileri öwrenmek bilen bu ýerde köp ýyllaryň dowamynda Pýotr Glazow meşgullanýar.

Pýotr Kolskiý ýarym adasyndan başlap Taýmyra çenli birnäçe arktiki sebitlerine baryp görüpdir, ýaňy-ýakynda bolsa Nenesk özbaşdak etrabynda ýerleşýän Kolguýew adasyna ekspedisiýadan gelipdir. Ýörite ýeketäk şerti bellikli we gün batareýasynda işleýän elektron nyşanly boýun baglaryň kömegi bilen ol öz ýoldaşlary bilen gazlara gözegçilik edýärler, duýduryjy alamatlar diňe bir janly ýagdaýda gözegçilik etmän, eýsem göni ýaýlymda hem guşlaryň göçüşlerini yzarlamaga kömek edýär. Dürli ýurtly alymlar karta bellikleri geçirýärler.

Häzirki wagtda geografiýa hünärmenlerini diňe mekdep synplarynda we ylmy merkezlerde tapyp bolmaýar. Pýotryň kursdaşy – Andreý Winkow halkara döwlet uniwersitetinde ykdysady geografiýa ylmyny öwrenipdir. Indi bolsa ylmyň ýaýbaňlandyrylmagy bilen meşgullanýar.

18-nji awgust – Russiýada geografiýa hünärmenleriniň güni. Bu sene tötänleýin saýlanman, şol senede rus geografiýa jemgyýetiniň düýbi tutylandyr. Hünärmen baýramçylygy täze bolsada eýýäm halkara guramalaryň ünsüni çekdi. 2024-nji ýylda baýramçylygy BRIKS döwletleriniň alymlary hem bellediler.