Türkmenistanyň Futbol çempionatynyň 6-njy tapgyrynyň jemleýji duşuşyklary geçirildi.

Bu tapgyryň merkezi duşuşygy paýtagtymyzda geçirilip, onda ýaryş tertibiniň öňbaşçylary “Ahal” hem-de “Merw” toparlary duşuşdylar. Bu duşuşykda netijeli oýnan Mergen Orazowyň tälim berýän “Ahal” topary garşydaşyny 3:1 hasabynda ýeňlişe sezewar etmegi başardy.

Tapgyryň beýleki duşuşyklarynda “Energetik” “Nebitçiden” (2:1), Şagadam” bolsa “Köpetdagdan” (5:2) üstün çykdylar. 26-njy awgustda geçirilen 6-njy tapgyryň ilkinji duşuşygynda “Altyn Asyr” toparynyň “Aşgabatdan” 2:0 hasabynda üstün çykandygyny ýatladýarys.

Şeýlelikde, geçirilen duşuşyklardan soň utugyny 16-a ýetiren “Ahal” ýaryş tertibinde birinji orny eýelemegini dowam edýär. 12 utuk toplan “Altyn Asyr” ikinji, bu tapgyrda ýeňiş gazanan “Şagadam” bolsa 11 utuk bilen üçünji orunlary eýeleýärler.

Futbol çempionatymyzyň ýedinji tapgyrynyň duşuşyklary 30-njy hem-de 31-nji awgustda geçiriler: «Köpetdag» – «Energetik», «Merw» – «Şagadam», «Nebitçi» – «Altyn Asyr», «Aşgabat» – «Ahal».

“Energetik” – “Nebitçi” – 2:1
Gollar: 50 Ezizmämmet Orazmämmedow, 61 (11 m.j.u.) Musa Nurnazarow (“Energetik) – 16 (11 m.j.u), Serdar Annaorazow (“Nebitçi”)
Duýduryşlar: 11 Mekan Çaryýew, 20 Batyr Gaýlyýew, Begenç Garaýew (tälimçi) 39, 41 Meýlis Rizaýew, 41 Teýmur Çaryew, 86 Ezizmämmet Orazmämmedow, 90+2 Suražiddin Jumanyýazow (“Energetik”) – 30 Magtymberdi Berenow, 39 Gurbanmämmet Meredow (tälimçi), 41 Serdar Annaorazow, 31 Azady Annadurdyýew, 86 Gurban Gurbanow (“Nebitçi”)
Meýadandan çykarylan: 39 (ätiýaçlyk oturgyjyndan) Japarbaý Welibaýew (“Nebitçi”)
Geçirilen ýeri: “Energetik” stadiony (Mary ş.)
Duşuşygyň emini: A.Gurbanow (Aşgabat ş.)
Kömekçi eminler: R.Ereşow (Türkmenabat ş.), I.Kurambaýew (Daşoguz ş.)
Ätiýaçdaky emin: P.Pälwanow (Daşoguz ş.)
Gözegçi emin: E.Ramazanow (Aşgabat ş.)

“Ahal” – “Merw” – 3:1
Gollar: 5 Gurbanguly Aşyrow, 9 (11 m.j.u.) Elman Tagaýew, 55 Didar Durdyýew (“Ahal”) – 62 (11 m.j.u.) Alibek Abdyrahmanow (“Merw”)
Duýduryşlar: 90+6 Ata Geldiýew (“Ahal”) – (birinji ýarymdan soň) Alibek Abdyrahmanow, 83 Mukam Nazzyýew (“Merw”)
Geçirilen ýeri: “Nusaý” stadiony (Aşgabat ş.)
Duşuşygyň emini: A.Sapaýew (Daşoguz ş.)
Kömekçi eminler: E.Annamyradow (Balkanabat ş.), A.Jumamyradow (Aşgabat ş.)
Ätiýaçdaky emin: W.Baluýans (Türkmenabat ş.)
Gözegçi emin: R.Pälwanow (Daşoguz ş.)

“Şagadam” – “Köpetdag” – 5:2
Gollar: 27 Hydyr Ýakubow, 45+1 Mekan Aşyrow, 50 Kerim Hojaberdiýew, 53, 63 Roman Galkin (“Şagadam”) – 73, 90+1 Ýazgylyç Gurbanow (“Köpetdag”)
Duýduryşlar: 68 Resul Mahmudow (“Şagadam”) – 28 Batyrgylyç Berdiýew (“Köpetdag”)
Geçirilen ýeri: “Şagadam” stadiony (Türkmenbaşy ş.)
Duşuşygyň emini: A.Goşşanow (Tejen ş.)
Kömekçi eminler: A.Begnazarow (Mary ş.), H.Abdiýazow (Daşoguz ş.)
Ätiýaçdaky emin: K.Sapaýew (Daşoguz ş.)
Gözegçi emin: H.Rejepow (Aşgabat ş.)
Çempionatyň tablisasy: