“Pähim-paýhas ummany Magtymguly Pyragy ýylynda Hormatly Prezidentimiziň tagallalary bilen  ýurdumyzda bedenterbiýäni we sporty ösdürmekde uly işler bitirilýär. Sport bilen meşgullanýan ýaşlaryň sany artyp, olar dürli ýaryşlarda şowly çykyş edýärler. Türgenlermiziň ýeňişli menzilleriniň rowaçlanýandygyna sport mekdebimiziň mysalynda-da  göz ýetirmek bolýar. Sportuň agyr atletika görnüşi ýaşlaryň arasynda has meşhurlyga eýe bolup, türgenlerimiz uly üstünlikleri gazanýarlar.

Golaýda sport mekdebimizde geçirlen ýaryşam türgenlerimiziň ýeňişli menzillerini ýene bir gezek subut etdi. Sport mekdebimizde agyr atletika boýunça welaýatymyzyň birinjiligini almak boýunça çempionat ýaryşy geçirildi.Ýaryşda toparlaryň 5-si gatnaşyp, agyr atletikaçylar özara güýç synanyşdylar. Gyzykly geçen ýaryşda Mary şäheriniň 7-nji sport mekdebiniň türgenleri 1-nji, Biziň mekdebimiziň türgenleri 2-nji orna mynasyp boldular. 3-nji orna bolsa etrabymyzdaky          1-nji sport mekdebiniň türgenleri mynasyp boldular. Toparymyzyň ýeňiş gazanan ezber  türgenleri Bakyýew Aýmyrat, Mommykow Arslan, Buljyýew Döwletgeldi saldamly goşantlaryny goşdular. Bu çempionat türgenler üçin öňde goýan arzuwlaryna ýetmek üçin uly synag boldy.