Futbol boýunça ýurdumyzyň Kubogynyň çärýekfinalynyň birinji oýunlarynyň çäginde üç duşuşyk geçirildi.

Paýtagtymyzdaky “Köpetdag” stadionynda geçirilen duşuşykda “Köpetdag” topary “Aşgabady” kabul etdi. Bu duşuşykda döreden mümkinçiliklerini ýerlikli peýdalanan “Köpetdag” 3:2 hasabynda ýeňiş gazandy.

“Nusaý” stadionynda “Altyn Asyr” bilen “Nebitçiniň” arasynda geçirilen duşuşykda ýer eýeleri uly artykmaçlyk bilen ýeňiş gazandy (4:0). Geçirilen ýene-de bir duşuşykda “Şagadam” myhmançylykda “Energetikden” 3:1 hasabynda üstün çykdy.

Ýurdumyzyň Kubogy ugrundaky bäsleşiginiň çäginde 8-nji sentýabrda geçirilen duşuşykda “Ahalyň” 2:1 hasabynda “Merwden” üstün çykandygyny ýatladýarys.

Türkmenistanyň Kubogy ugrundaky bäsleşigiň çärýekfinalynyň jogap oýunlary 21-nji sentýabrda geçiriler.

“Energetik” – “Şagadam” – 1:3
Gollar: 60 Meýlis Durdyýew (“Energetik”) – 23 Mekan Aşyrow, 54 Kerim Hojaberdiýew, 83 Akmämmet Metdäýew (“Şagadam”)
Duýduryşlar: 10 Musa Nurnazarow, 40 Aşyr Jumadurdyýew, duşuşygyň birinji ýarymyndan soň Batyr Gaýlyýew, 52 Ruslan Priýew, 55 Teýmur Çaryýew, 80 Suražiddin Jumaniýazow (“Energetik”) – 58 Hydyr Ýakubow, 59 Hakmuhammet Bäşimow (“Şagadam”)
Geçirilen ýeri: “Energetik” stadiony (Mary ş.)
Duşuşygyň emini: A.Sapaýew (Daşoguz ş.)
Kömekçi eminler: H.Abdiýazow (Daşoguz ş.), M.Nurberdiýew (Aşgabat ş.)
Ätiýaçdaky emin: R.Isaýew (Mary ş.)
Gözegçi emin: B.Atajanow (Daşoguz ş.)

“Köpetdag” – “Aşgabat” – 3:2
Gollar: 28, 32 Yhlas Saparmämmedow, 61 Begenç Akmämmedow (“Köpetdag”) – 7, 73 Merdan Muhadow (“Aşgabat”)
Duýduryşlar: 57 Serdarmyrat Baýramow (“Köpetdag”) – 61 Amir Gurbani (“Aşgabat”)
Geçirilen ýeri: “Köpetdag” stadiony (Aşgabat ş.)
Duşuşygyň emini: N.Garajaýew (Aşgabat ş.)
Kömekçi eminler: S.Gurbanow (Balkanabat ş.), E.Annamyradow (Balkanabat ş.)
Ätiýaçdaky emin: B.Haknazarow (Aşgabat ş.)
Gözegçi emin: R.Pälwanow (Daşoguz ş.)

“Altyn Asyr” – “Nebitçi” – 4:0
Gollar: 14, 19 Yhlas Toýjanow, 32 Ahmet Ataýew, 33 Begençmyrat Myradow (“Altyn Asyr”)
Duýduryşlar: 48 Myrat Annaýew (“Altyn Asyr”) – 57 Begenç Gylyçnyýazow, 85 Serdar Annaorazow, 90+2 Muhammet Annaýew (“Nebitçi”)
Meýdandan çykarylanlar: 88 (ikinji duýduryş) Myrat Annaýew (“Altyn Asyr”) – 86 (ikinji duýduryş) Serdar Annaorazow (“Nebitçi”)
Geçirilen ýeri: “Nusaý” stadiony (Aşgabat ş.)
Duşuşygyň emini: B.Atdyýew (Tejen ş.)
Kömekçi eminler: R.Ereşow (Türkmenabat ş.), A.Jumaýew (Mary ş.)
Ätiýaçdaky emin: A.Jumamyradow (Aşgabat ş.)
Gözegçi emin: Ş.Durdyýew (Aşgabat ş.)