Mary şäheriniň №5 sport mekdebi, Mary şäheriniň Güneş şäherçesinde ýerleşip, sportuň 10 görnüşi boýunça türgenleşik işleri alnyp barylýar. Ýagny, sportuň futbol, basketbol, ýeňil atletika, dzýu-do göreşi, grek-rim we erkin göreşi, çeper gimnastika, kikboksing, taekwon-do ITF hem-de suwda pökgi oýnamak görnüşleri bar.

Sportuň dzýu-do göreşi görnüşi boýunça ilki başda 9-10 ýaşdaky ýetginjekleri ene-atalarynyň razylygy we lukman gözegçiliginden geçirilenden soňra türgenleşige kabul edilýär. Birnäçe wagtyň dowamynda türgenleşik geçirilenden soň, barlag-synaglaryndan geçirilip, oňat netije görkezen türgenleri geljek okuw-türgenleşik ýylyna geçirilýär. Wagtyň geçmegi bilen topardaky işjeň türgenleri şäher, etrap, welaýat derejesinde geçirilýän ýaryşlaryna gatnaşdyrylýar. Ýaryşlarda baýrakly orunlara mynasyp bolan toparlaryň türgenleri hormat haty we medallar bilen sylaglanýar hem-de ýaryşlara yzygiderli netije görkezen türgenlere sport mekdebi tarapyndan sport atlary we razrýadlary berilýär.

Mundan başga-da, ýokarda görkezilen sportuň beýleki görnüşlerinde hem Ýöriteleşdirilen okuw-sport edaralary hakynda Birkysmy düzgünnama laýyklykda degişli ýaşlary boýunça türgenler  sport mekdebine kabul edilýär.