Ýurdumyzyň futbol çempionatynyň 13-nji tapgyrynyň ilkinji duşuşygy geçirilip, onda paýtagtymyzyň “Aşgabat” hem-de “Altyn Asyr” toparlary duşuşdy.

“Nusaý” stadionynda geçirilen duşuşyk 0:0 hasabynda tamamlandy.

Şeýlelikde, geçiren duşuşyklarynda 28 utuk toplan “Altyn Asyr” ikinji orny eýelemegini dowam edýär. 10 utugy bolan “Aşgabat” 6-njy orunda ornaşdy.

Ýurdumyzyň futbol çempionatynyň 13-nji tapgyrynyň jemleýji duşuşyklary 8-nji oktýabrda geçiriler: “Nebitçi” – “Energetik”, “Merw” – “Ahal”, “Köpetdag” – “Şagadam”.

13-nji tapgyryň duşuşygy:
“Aşgabat” – “Altyn Asyr” – 0:0
Duýduryşlar: 35 Bäşim Gurbanberdiýew, 83 Amir Gurbany, 90+5 Baýjan Satlykow (“Aşgabat”) – 90+1 Begençmyrat Myradow (“Altyn Asyr”)
Geçirilen ýeri: “Nusaý” stadiony (Aşgabat ş.)
Duşuşygyň emini: Ş.Hydyrow (Balkanabat ş.)
Kömekçi eminler: A.Begnazarow (Mary ş.), M.Nurberdiýew (Aşgabat ş.)
Ätiýaçdaky emin: A.Jumamyradow (Aşgabat ş.)
Gözegçi emin: M.Öwezdurdyýew (Mary ş.)