Şu gün, 1-nji aprelde futbol boýunça Türkmenistanyň ýaşlar birinjiliginiň 5-nji tapgyrynyň birinji oýun güni geçirilip, onda “Arkadag II” – “Merw II” hem-de “Aşgabat II” – “Nebitçi II” toparlary güýç synanyşdylar.

Ahal welaýatynyň Gökdepe etrabynyň Babarap geňeşligindäki “Sport desga” stadionynda geçirilen duşuşykda “Arkadag toparynyň ýaşlar düzümi “Merw II” toparyndan üstün çykdy – 3:1. Oýun gününiň ikinji duşuşygy paýtagtymyzda geçirilip, onda ýerli “Aşgabat II” topary “Nebitçi II” toparyтy 2:1 hasabynda ýeňlişe sezewar etdi. Ýeňlişine garamazdan 12 utugy bolan “Nebitçi II” topary ýaryş tertibiniň birinji basgançagyny eýelemegini dowam edýär.

Futbol birinjiliginiň 5-nji tapgyrynyň jemleýji duşuşyklary 2-nji aprelde geçiriler: “Altyn Asyr II” – “Köpetdag II”, “Şagadam II” – “Ahal II”.

 

Gollar: 15, 27, 88 Enwer Annaýew (“Arkadag II”) – 26 Nowruz Baýrammämedow (“Merw II”)

Duýduryşlar: 21 Bagtyýar Agabaýew, 80 Süleýmannazar Gowşudow (“Arkadag II”) – 8 Myrat Öwezmyradow, 40 Begenç Pälwanow (“Merw II”)

Geçirilen ýeri: “Sport desga” (Ahal wel. Gökdepe etr. Babarap geňeşligi) 

Duşuşygyň emini: E.Annamyradow (Balkanabat ş.)

Kömekçi eminler: H.Amanmämmedow (Balkanabat ş.), A.Annamyradow (Balkanabat ş.)

Ätiýaçdaky emin: S.Gurbanow (Balkanabat ş.)

Gözegçi emin: B.Allaberdiýew (Aşgabat ş.)

Duşuşygyň komissary: J.Jumamyradow (Aşgabat ş.)

 

Gollar: 15 Arslan Baýramow, 90+2 Yhlas Hojamuhammedow (“Aşgabat II”) – 72 Şöhrat Aýdogdyýew (“Nebitçi II”)

Duýduryşlar: 78 Wepamyrat Berkeliýew (“Aşgabat II”) – 77 Söýenç Toýçyýew, 78 Ybraýym Welibaýew (“Nebitçi II”)

Geçirilen ýeri: “Sport desga” (Aşgabat ş.; Gökje ýaşaýyş toplumy) 

Duşuşygyň emini: A.Begnazarow (Mary ş.)

Kömekçi eminler: Ş.Ýusupow (Mary ş.), K.Bersenýowa (Aşgabat ş.)

Ätiýaçdaky emin: R.Mämmedow (Aşgabat ş.)

Gözegçi emin: B.Atajanow (Daşoguz ş.)

Duşuşygyň komissary: R.Japarow (Aşgabat ş.)