Ulularyň çempionatynda Aşgabat şäheriniň topary birinji orny eýeledi. Lebap welaýaty ikinji, Marynyň topary üçünji boldy. Ýaryşlar gyzlaryň arasynda hem ýurdumyzyň çempionlaryny belli etdi. 8 agramda guralan ýaryşlar Lebap welaýatynyň birinji orny eýelemegini şertlendirdi. Aşgabat şäheri ikinji bolsa, Mary welaýaty ýene-de öňdäki üçlügi jemledi.

Şol ýerde geçen ýaşlaryň arasyndaky ýurdumyzyň birinjiligi hem diýseň dartgynly häsiýeti bilen tapawutlandy. Bu ýerde oglanlaryň hem-de gyzlaryň arasyndaky toparlaýyn netijeler bu göreşiň ösen sebiti bolan Lebap welaýatynyň toparynyň tarapynda boldy. Aşgabatlylar ikinji orna, Mary welaýatynyň topary bolsa üçünji orna mynasyp boldy.