Türkmenistanyň futbol çempionatynyň geçen möwsümini bürünç medal bilen tamamlan Mary şäheriniň «Merw» futbol topary möwsümiň «Feýr-pleý» baýragyna hem mynasyp boldy. Bu baýragyň arassa oýun üçin berilýändigini ýatladýarys.

Biziň şahsy hasaplamalarymyza görä, Ýokary liganyň geçen möwsüminde «Merwiň» futbolçylaryna sary kartlaryň 45-den gowragy görkezildi. Möwsümde toparyň futbolçylarynyň diňe biri, bir gezek oýundan çykaryldy.

«Merw» arassa oýun üçin goýlan baýraga 2021-nji ýylyň futbol möwsüminiň jemleri boýunça hem mynasyp bolupdy.

Türkmenistanyň çempionatynda bürünç medaly eýelän topar geljek ýylda AFK-nyň kubogyna gatnaşmaga hukuk gazandy.