Mary şäherindäki 2-nji sport mekdebinde sportuň futbol görnüşi boýunça ýaryş geçirildi. Mary şäherindäki 2-nji sport mekdebiniň açyk birinjiligini almak ugrunda geçirilen bu ýaryş sport janköýerleriniň şowhunly tomaşa etmegi bilen diýseň gyzykly hem çekeleşikli geçdi. 

        Futbol ýaryşyna 2008-2009-njy yyllarda doglan ýetginjek oglanlardan düzülen toparlaryň 10-sy gatnaşdy. Futbol ýaryşynyň gyzgalaňly jemleýji minutlarynda utuk gazanan Mary şäherindäki 2-nji sport mekdebiniň topary baýrakly I orny eýelemegi başardy. 2-nji orna Mary şäherindäki 1-nji sport mekdebiniň topary, 3-nji orna Mary şäherindäki 3-nji sport mekdebiniň topary mynasyp bolmagy başardy. 

         Ýeňiş gazanan toparlara Hormat hatlary, tapawutlanan ýaş oýunçylara bolsa, sowgatlar gowşuryldy.

                                Aman KAKAÝEW.

                  Mary şäherindäki 3-nji sport

                               mekdebiniň tälimçisi.