23-29-njy mart aralygynda Mary welaýatynyň Murgap etrabynyň çäginde ýerleşýän Sport mekdebiň futbol meýdançasynda 2007-nji ýylda doglan ýaş türgenleriň arasynda futbol boýunça Türkmenistanyň birinjiligi geçirildi. Bu ýaryşa ýurdumyz boýunça 9 futbol topary – Ahal welaýatyndan “Kuwwat”, Balkan welaýatyndan “Şa gadam” we “Balkan”, Daşoguz welaýatyndan “Standart”, Lebap welaýatyndan “Owaz”, Mary welaýatyndan “Merw” we “Olimp”, Aşgabat şäherinden “Altyn täç” we “Dostluk” toparlary gatnaşdylar.

Final duşuşygyna Marynyň “Olimp” we Aşgabadyň “Altyn täç” futbol toparlarynyň çykmagy futbol janköýerlerini tolgundyrdy. Oýnuň esasy wagty 1:1 hasabynda tamamlandy. 11 metr jerime urgularynda bolsa, “Altyn täç” 5:3 hasabynda “Olimpdan” üstün çykmagy başardy. Şunlukda Marynyň “Olimp” topary baýrakly 2-nji orna kümüş medalyna eýe boldy. Bu ýeňiş toparyň tälimçileri Myrat Mollaýewiň hem-de Röwşen Hümmedowyň ussat tälimçidigini aýan etdi.

Ýaryşyň netijeleri boýunça Marynyň türgenlerinden Durdygylyç Durdygylyjow “Iň ökde derwezewan”, Said Haýdarow “Iň ökde goragçy”, Muhammet Allaberdiýew “Iň ökde ýarym goragçy” diýen derejelere eýe boldular. Bu bolsa türgenleriň şat;lygyny goşalandyrdy. Ýeňiji bolan türgenlere Hormat hatlary şeýle-de, degişlilikde medallar dabaraly ýagdaýda gowşuryldy.