2023-nji ýylyň 10-20-nji iýun günleri geçiriljek Merkezi Aziýa futbol Assosiasiýasynyň ilkinji çempionatynda — CAFA NATIONS CUP-2023 ýaryşynda Türkmenistanyň milli ýygyndysynyň oýnajak duşuşyklarynyň seneleri mälim boldy.

Bijä laýyklykda, Türkmenistanyň milli ýygyndysy «A» toparçada Özbegistanyň, Täjigistanyň hem-de Owganystanyň milli ýygyndylary bilen güýç synanyşar. «A» toparçadaky oýunlar Özbegistanyň Daşkent şäherinde geçiriler. «B» toparçadan Eýranyň, Gyrgyzystanyň hem-de Omanyň milli ýygyndylary orun aldylar. «B» toparçasynyň duşuşyklary Gyrgyzystanyň Bişkek şäherinde bolup geçer.

Ýaryşyň geçiş tertibine laýyklykda, toparçalaýyn tapgyrdaky oýunlar aýlaw görnüşinde geçirilip, bir aýlawdan ybarat bolar. Soňra toparçalaryň ýeňijileri finalda, toparçada ikinji orny eýelänler bolsa üçünji orun üçin duşuşykda meýdança çykarlar. Final we üçünji orun üçin oýunlar Özbegistanyň Daşkent şäherinde geçiriler.

Türkmenistanyň milli ýygyndysy CAFA Nations Cup 2023-däki ilkinji oýnuny 11-nji iýunda Täjigistan bilen oýnar. 14-nji iýunda Türkmenistan Özbegistan bilen duşuşar. Toparçanyň jemleýji tapgyrynda bolsa Türkmenistan Oman bilen güýç synanyşar.