«Günorta gaz geçelgesini» diňe azerbaýjan gazy bilen doldurmak örän kyn, onuň üstüne Türkmenistanyň hem gazy gerek. Bu barada Energetika barlaglarynyň Oksford institutynyň uly ylmy işgäri Julian Bouden belledi diýip, Trend agentligi habar berýär.

«Günorta gaz geçelgesi» örän oňat işleýär: ol Günorta Ýewropa we Italiýa gaz ýetirýär hem-de ÝB ýurtlaryna (Gresiýa, Bolgariýa we Italiýa) ibermeleri diwersifikasiýalaşdyrmaga kömek edýär» - diýip bilermen belledi.

Boudeniň şeýle hem bellemegine görä, Ýewrokomissiýa bilen Azerbaýjanyň arasynda energetika ulgamynda özara düşünişmek hakynda ýakynda gol çekilen Ähtnama «GGG-niň» geçirijilik ukybyny iki esse artdyrmagy göz öňünde tutýar.

«Gazyň haýsy çeşmeleriniň hasabyna? Eger-de bu Azerbaýjan bolsa, Upstream toplumy boýunça borçnamalar gerek. 2027-nji ýyla GGG-niň goşmaça kuwwatlyklaryny diňe azerbaýjan gazy bilen doldurmaklyk kyn düşer. Türkmen gazyny ýa-da Eýrandan swop ýa-da Hazarüsti gaz geçirijisini goşup bolar» - diýip, bilermen belledi.