Ikinji tapgyryň jemleýji duşuşygynda “Altyn Asyr” hem-de “Ahal” toparlary duşuşdylar. Ikinji tapgyryň merkezi duşuşygy 1:1 hasabynda deňlikde tamamlandy. “Altyn Asyryň” düzüminde Myrat Annaýew tapawutlanan bolsa, “Ahala” deňlik getiren topy Resul Hojaýew öz adyna ýazdyrdy.

Şeýlelikde, geçirilen iki tapgyrdan soň 6 utukdan toplan “Şagadam” hem-de “Merw” toparlary öňdäki orunlary eýeleýärler. “Ahal” bilen “Altyn Asyr” toparlary dört utukdan topladylar. “Köpetdag” topary iki tapgyrda üç utuk toplamagy başardy. “Aşgabat”, “Energetik” hem-de “Nebitçi” toparlary häzirlikçe utuk toplap bilmediler.

Ýurdumyzyň futbol çempionatynyň üçünji tapgyrynyň duşuşyklary 11-12-nji awgustda geçiriler: "Köpepdag” – “Nebitçi”, “Ahal” – “Energetik”, “Şagadam” – “Altyn Asyr”, “Merw” – “Aşgabat”.

“Altyn Asyr” – “Ahal” – 1:1
Gollar: 58 Myrat Annaýew (“Altyn Asyr”) – 83 Resul Hojaýew (“Ahal”)
Duýduryşlar: 70 Welmyrat Ballakow, 85 Selim Ataýew (“Altyn Asyr”) – 42 Gurbanguly Aşyrow, 45 Abdy Bäşimow, 61 Mirza Beknazarow (“Ahal”)
Geçirilen ýeri: “Sport toplumy” stadiony (Aşgabat ş.; Büzmeýin etr.)
Duşuşygyň emini: R.Mämmedow (Aşgabat ş.)
Kömekçi eminler: A.Begnazarow (Mary ş.), P.Pälwanow (Daşoguz ş.)
Ätiýaçdaky emin: Ş.Hydyrow (Balkanabat ş.)
Gözegçi emin: A.Sapaýew (Daşoguz ş.)